Non deixa de ser curioso que o aniversario de Cunqueiro sexa tan preto do Nadal, o momento do ano no que desde sempre se pon máis atención na gastronomía para buscar sobre todo unha volta aos sabores de toda a vida, aqueles que nesas datas gozaron os nosos avós.

A historia da nosa literatura gastronómica, aquela da que deberíamos botar man para confeccionar esas receitas de onte e de hoxe, ten outro referente. Trátase de Manuel María Parga y Puga, máis coñecido como Picadillo . Nestas datas convén lembrar o seu tratado para cociñar o bacallao, por canto a Noiteboa é cea de vixilia pero hoxe imos prestar atención a unha receita especifica do nadal: A Sopa de Pan de Navidad, recollida na súa Cociña práctica:

Guarda la grasa en que se asaron los capones y guarda también los panecillos que te hayan quedado de reserva.

Al día siguiente pon a derretir la grasa en una tartera y dora en ella finas rodajas del pan reservado; cubrelas con una prudente cantidad de caldo; deja que cueza y, cuando esté, pones la tartera en el horno para que se reduzca el líquido.

Bo nadal a todos e todas e Bon appetit!

Neste verán que parece que por fin chegou, queremos lembrarvos algúns dos nosos traballos e, de paso, suxerir algunhas actividades interesantes coas que fuxir da calor e mellor coñecer o pais.
Aquelas persoas con gañas de pasear e tomar contacto coa natureza e o noso patrimonio, poden botar un ollo ás nosas propostas de rutas por diferentes comarcas galegas; están destinadas a descubrir o noso legado construído e inmaterial, os grandes e os pequenos monumentos ao tempo que se percorren paisaxes de gran fermosura e máis dunha paraxe de grande valor natural.
Os que queden na capital ou ben se acheguen a ela nestas datas tamén teñen unha oferta á súa medida. Por unha banda, compre non esquecer os roteiros da memoria da auga, a súa historia e patrimonio, na cidade de Santiago; por outro, poden aproveitar para achegarse ao veciño concello de Ames e, explorar coas nosas rutas con GPS o exotismo deste rural tan próximo e, ao tempo, tan lonxano.

Nestes días rematan, por este curso, as actividades do programa “A Historia vai por barrios”. É hora de recoller as exposicións e de facer avaliación do proxecto.
San Pedro, A Rocha, Villestro, Vite, o Ensanche e Enfesta. Barrios e parroquias moi distintas pero que contribuiron de igual forma a conformar a cidade na que hoxe vivimos.
Coas exposicións e as actividades, todas e todos coñecímonos mellor e aprendimos a valorar un pouco mais os espazos nos que vivimos e esos vellos trebellos que temos nas nosas casas. Foi unha aventura divertida e enriquecedora para todas e todos os que dun xeito ou outro tivemos que ver co proxecto.
Desde aqui, o noso mais sinceiro agradecemento aos veciños e veciñas, ao personal da rede de centros socioculturais, ás asociaciones veciñais, aos colexios e a todas as outras entidades que colaboraron na boa marcha deste proxecto.

Xa no verán comezamos hoxe o novo horario de traballo, que durará até o 4 de setembro.
Nos próximos meses estaremos nas nosas oficiñas só polas mañáns, de 9 a 14h.

Noutros momentos, o noso correo electrónico e o contestador, recibirán as vosas mensaxes.

¡Felices Vacacións!