Onte foi presentado pola Concellalía de Promoción Económica e Emprego do Concello de Lugo o proxecto de Rehabilitación do edificio da Fábrica da Luz desta cidade.
No futuro este edificio construído inicialmente baixo a dirección do arquitecto racionalista Eloy Maquieira, albergará un museo interactivo dedicado á historia da propia fábrica.
dehistoria colabora con este proxecto levando a cabo á investigación necesaria para crear os contidos que se desenvolverán na parte expositiva do futuro museo.
Os distintos edificios que albergaron a maquinaria eléctrica, as empresas e os emprendedores que fixeron posible a electrificación da cidade, os proxectos técnicos e a súa evolución… son algúns dos aspectos que se revisarán ao longo desta investigación.
Esta é unha historia apaixoante, que comezou en 1894 cando as rúas de Lugo quedaron alumeadas por vez primeira con luz eléctrica. Este fito foi o final dun longo proceso na busca dun mellor servizo para a veciñanza; foi tamén o inicio dun longo percorrido que é, en certo modo, a evolución da electricidade e o seu uso nesta cidade.
Archivo de la categoría: Informes históricos
Fiesta de Interes Turístico Nacional
Segundo se fixo público hoxe, a Secretaría de Estado de Turismo do Ministerio de Industria e Turismo acordou conceder ás festas de San Froilán de Lugo a categoría de Festa de Interese Turístico Nacional. É un recoñecemento á súa historia e á súa proxección mais aló do espazo estritamente lucense. Como participantes deste proxecto, compartimos a ledicia dos lucenses.
¡Noraboa e Feliz San Froilán 2006!
O Camiño a Fisterra en Ames
Acabamos de rematar un interesante traballo de investigación sobre o Camiño a Fisterra no Concello de Ames, moi perto de Santiago.
A nosa investigación concretarase nunha serie de rutas, sinalizacións e materiais complementarios que intentarán explicar mellor a historia e o importante patrimonio conservado nesta zona. Son pobos como Augapesada ou Ponte Maceira, que son moi coñecidos, pero tamén lugares con moito encanto e absolutamente descoñecidos: Covas, Pousada, Suevos,…
Os itinerarios están pensados para coñecer a ruta do Camiño e os pobos que están nel e na súa proximidade. Son percorridos accesibles e axeitados para pasar un día ou unha tarde agradable cos amigos ou a familia.
San Froilán, fiesta de interés turístico
Las ferias y fiestas de San Froilán son un acontecimiento que desde hace siglos traspasan los límites de la ciudad de Lugo; son famosas en toda Galicia e, incluso, más allá. Antes, el principal reclamo era la gran feria ganadera a la que acudían tratantes de toda la Península Ibérica; luego, la fiesta que retomó un importante auge a partir de las últimas décadas del siglo XIX. El siglo XX trajo importantes cambios sociales y económicos a Galicia que afectaron profundamente a la feria de Lugo cuya razón de ser poco a poco dejó de existir. Por el contrario, la fiesta se consolidó de manera que hoy San Froilán es sinónimo de fiesta.
Consciente de esta tradición festiva, de la fama y del potencial turístico que tiene San Froilán para el desarrollo de la ciudad, el Concello de Lugo acaba de solicitar para su fiesta la condición de Fiesta de Interés Turístico Nacional.
Nuestro informe histórico forma parte del expediente de solicitud. ¡Nuestros mejores deseos!.
Sabores tradicionais: o pan de Carral
De entre os moitos pans tradicionais de Galicia, o de Carral, sen dúbida é dos máis coñecidos. Ten sona polo seu sabor e calidade pero tamén porque existe case desde sempre.
En efecto, tal e como vimos a saber ó longo da nosa investigación, Carral e o Val do Barcia son terras nas que se cultiva o trigo desde sempre porque é moi axeitada para este froito. Na Idade Moderna, a proximidade da cidade da Coruña, favoreceu o desenvolvemento dunha modesta actividade de fabricación e venda do pan; os datos proporcionados polo Catastro de Ensenada (1753) non deixan lugar a dúbidas, moitas familias do Val do Barcia teñen na elaboración e venda de pan a garantía do seu sustento.
Pouco despois, son os propios coruñeses quen fomentan a entrada na cidade e, incluso a imitación, dos mellores pans que coñecen, o de Carral e o de Bergantiños, que son os preferidos do público en detrimento da produción local.
É precisamente esta conexión coa cidade coruñesa o que favoreceu o mantemento desta industria artesanal que aínda hoxe en día amasa e coce o seu pan seguindo as formas tradicionais. ¿porqué mudar?.
A súa constancia no sabor tradicional verase premiada, de seguro, coa obtención da Identificación Xeográfica Protexida.
