Loading images...

Hildegard von Bingen

Neste mes dedicado ás mulleres queremos achegarvos á persoalidade dunha muller medieval á que a Igrexa recoñecerá en breve os seus méritos. É Hildegard von Bingen, monxa, escritora, médica, música…
Viviu entre os séculos XI e XII, no que hoxe chamamos Alemania; a maior parte da súa vida desenvolveuse entre as paredes dun mosteiro pero o certo e que esta reclusión non foi obstáculo para desenvolver unha existencia rica en experiencias e sabedoría.
No seu tempo foi coñecida pola súa vida de santidade, por diversas visións proféticas e polas súas dotes de predicadora asi que non é de estranar que ao pouco de morrer se iniciara un proceso para a súa canonización (1227) que non concluíu oficialmente ata 1940.
Deixounos unha morea de obras literarias, teolóxicas, científicas e un cumprido repertorio de composicións musicais. Vista cos nosos ollos, posiblemente a máis singular sexa «Lingua Ignota», un tratadiño no que desenvolve un alfabeto e língua artificial.
A súa elevación á categoría de Doutora da Igrexa -que terá lugar no outono deste ano- non é algo baladí, por canto supón un recoñecemento á súa traxectoria vital, á súa altura intelectual e á aportación que ás mulleres fixeron á construción da historia común europea.
Se queredes adentrarvos na súa biografía, recomendamos a lectura do artigo sobre ela da Wikipedia, onde tamén atoparedes pistas de audio das súas composicións musicais ou a visita a este clip coa súa música e unha antoloxía de imaxes.

Los comentarios están cerrados.

Uso de cookies

Este sitio web utiliza Cookies propias e de terceiros para recompilar información coa finalidade de mellorar os nosos servizos. Si continua navegando, supón a aceptación da instalación das mesmas. O usuario ten a posibilidade de configurar o seu navegador podendo, si así o desexa, impedir que sexan instaladas no seu disco duro, aínda que deberá ter en conta que dita acción poderá ocasionar dificultades de navegación da páxina web. Política de cookies - Condicións de uso.

ACEPTAR
Aviso de cookies