Muller e emprendemento

Nestes días pasados celebrouse a Semana Galega do Emprendedor. Trátase dunhas xornadas que desenvolven nos diversos campus das universidades galegas. Fomos convidadas a participar o día 30 nunha das mesas redondas, na que tiña como título Muller e emprendemento na Universidade de Santiago de Compostela. Estaban tamén presentes mulleres que exercen tareas de xerencia e dirección noutras empresas surxidas no entorno de Uninova e da Universidade de Santiago de Compostela, como son Galchimia, STS, Proyectos integrales en cultura y Patrimonio e Gimena Ingeniería. Ali, cada unha de nos relatou a súa experiencia empresarial e as dificultades que, polo feito de ser mulleres, atopamos á hora de facer negocios. Foi un encontro certamente moi interesante non só polos proxectos empresariais presentados senón tamén pola distinta perspectiva que ás mulleres podemos aportar as futuras emprendedoras.